AP

“Basurero” Dokumentaryo ni Jay Taruc Ang dokumentaryong ito ay nagsimula sa isang mahirap na pamilya na nakatira sa Overpass sa Quezon City. Ang kanilang pagkain sa pang araw araw ay nanggagaling mula sa basura ng iba't ibang kainan. Pagkatapos nila itong kolektahin, niluluto nila ito ulit at iyon na ang magiging hapunan nila, ang tanging beses na nakaka kain nila sa buong mag hapon. Ang pamilyang ito ay naninirahan sa probinsyang Marinduque, ngunit pinili nilang manirahan dito sa Maynila sa kadahilanang mas malaki ang tsansang mabusog sila sa mga nakolekta nilang batchoy dito kaysa pagtiyagaan ang nilagang saging sa nasabing probinsya. Sa isang tambakan sa Tondo, matatagpuan ang mga taong namumuhay sa isang hindi kaaya-ayang lugar-- ang mga tambakero. Sa lugar na ito sila nagtatrabaho buong maghapon. Dito nila kinukuha ang maliit na pera na pinapanustos nila sa mga pangangailangan nila sa araw- araw. Karamihan sa mga nagtatrabaho sa tambakan na ito ay mga bata. Hindi magandang magtrabaho sa tambakan na ito lalo na ang mga bata dahil may malaki ang tsansang makakuha ng sakit at maaksidente. Ang iba sa mga bata dito ay nalululong sa droga sa kadahilanang makakalimutan nila ang sama ng loob nila sa kanilang mga magulang kapag sila ay nagdo-droga. Sa lugar na ito ay sobrang hirap mamuhay, hindi lamang sa marumi dito, malaki pa ang chansang manakawan kapag ika’y nakaahon. Hindi mo pa namamalayan mayroon kana palang sakit o impeksiyon. Si Fr. Benigno Beltran ay isa sa mga malikhaing basurero na tumutulong na lutasin ang problema ng basura. Siya ay nakahanap ng ikabubuhay mula sa basura sa pamamagitan ng pag gawa ng handicrafts mula rito. Tumulong din siya sa mga taong sadlak sa buhay at tinuruan ang mga ito ng mga paraan kung pano mag simula ng maliit na negosyo.