Focus fit

Published on January 2017 | Categories: Documents | Downloads: 34 | Comments: 0 | Views: 352
of 1
Download PDF   Embed   Report

Comments

Content

50

Fit

GEOMAR NADALL
Su estilo di bida como un entrenador profesional ta uno di hopi sacrificio
Desde cu e tabata chikito, e tabata gusta e peliculanan di accion y tabata un fanatico di e actornan corpulento, manera: Schwarzenegger, Stallone, Van Damme etc, sin kita afo cu su tata tambe tabata train na cas y tabata musculoso. Geomar tabata encanta train cu su tata ora e tabata chikito y entre nan tabata haci un competencia, retando otro, ken por haci mas ‘push ups’, etc. Pero ta te cu su 17 aña el a drenta gym, ya cu e tabata kere den e mito, cu si bo cuminsa train na jong, esey lo stroba bo di crece. Awendia e ta un entrenador profesional experiencia, cu no ta reta su so mas, pero tambe su clientenan y asina yuda nan cambia nan estilo di bida.
Geomar su logro mas grandi ta cu su atleta Ferdinand Vasco, na aña 2011, ya cu ey ta unda su carera como entrenador personal a yega top y florece. Tabata prome biaha cu el a logra bin cu un atleta pa competencia y a logra bay cu mayoria premio tambe: 1st Mr. Beginner Aruba Tall Class, 1st Mr. Beginner Overall, 2nd Mr. Aruba Light Heavyweight, titulo di: Best Legs. Den e mesun aña Ferdinand a bay competi na CAC (Central American Championship) na El Salvador, unda el a logra keda na di 6 luga entre tur e otro paisnan den Caribe y Centro America. Na 2012 Ferdinand a bolbe competi den Mr. Aruba y e aña ey si el a logra conkista e titulo maximo den su categoria di Light Heavyweight. Su estilo di bida como un entrenador profesional ta uno di hopi sacrificio. For di 5’or di mainta ya e ta riba pia y ta bay drumi mas tarda 12or di anochi. Den gym e ta di 5’or te 9’or di mainta, despues ta tuma un break y atende su cosnan personal. Ya pa 5’or di atardi e ta drenta gym y ta continua su rutina di trabou te 10or di anochi, ora cu su ultimo clientenan bay cas. E ta un fiel creyente den ‘constant and never ending improvement’. Come saludabel tambe e ta considera un sacrificio, specialmente door di e funcion di ta un entrenador personal, ta importante p’e keda consciente di kico tur ta bon y saludabel pa come. E estilo di bida actual di semper ta pura y druk, ta un reto pa hopi hende come saludabel y tin masha poco luga y escogencia saludabel na Aruba y riba dje nan ta caro. Esey mes ta un di e motibonan cu tin hopi hende no saludabel na Aruba y rond mundo.

Modelo: Kendra Rozenberg Makiyahe y cabey: ENVY by Clyde Localidad: Healthy Living Club Fotografo: Suhaila Alders

Dialuna: Pecho y schouder. 45 minuut y 30 min di cardio (preferibel despues di hisa peso). Diamars: Off Diaranson: Lomba, biceps y triceps. 45 min y 30 min cardio(despues di hisa peso)

Diahuebs: Off Diabierna: Pia: quadriceps, hamstrings y calves. 1 ora y 30 min cardio (despues di hisa peso) Diasabra: descanso Diadomingo: descanso

“Semper mi ta busca pa sa mas, mi gusta siña y mi ta purba di siña algo nobo tur dia, mehorando asina mi trainingnan y mi manera di coach! ”
Cada cliente tin otro reto y no tur tin mesun tipo di curpa y manera di pensa. Pero Geomar ta concentra pa transforma tur y laga nan sinti contento y satisfecho cu e resultado. Su meta no ta pa solamente keda den e negoshi di entrenador personal, pero e kier ta un entrepreneur y conkista otro area comercial.

“Teniendo na cuenta cu mayoria di mi cliente- y hendenan kinan na Aruba ta druk bezig cu nan trabou, nan yiunan y famia y nan tempo ta preta, mi a hinca e siguiente schedule di training y nutricion den otro:”

Schedule di Training y di Nutricion

Meal 1 Proteina (webo, galiña, carni, pisca, calacuna) Carbohidrato (oatmeal, aros bruin, batata dushi, quinoa, Ezekiel bread ) Noot (almendra, cashupete, pinda, pecans, walnuts) Meal 2 Whey protein of greek yogurt Fruta Meal 3 Proteina (webo, galiña, carni, pisca, calacuna) Carbohidrato (oatmeal, aros bruin, batata dushi, quinoa, Ezekiel bread) Berdura (asparagus, okra, bonchi berde, brocoli) Meal 4 Whey protein of greek yogurt Fruta Noot (almonds, cashew, pinda, pecans, walnuts) Meal 5 Proteina (webo, galiña, carni, pisca, calacuna, etc.) Carbohidrato (oatmeal, aros bruin, batata dushi, quinoa, Ezekiel bread) Noot (almonds, cashew, pinda, pecans, walnuts) Salada (awacati, comcomber, arugula, spinashi, kale etc)

Sponsor Documents

Or use your account on DocShare.tips

Hide

Forgot your password?

Or register your new account on DocShare.tips

Hide

Lost your password? Please enter your email address. You will receive a link to create a new password.

Back to log-in

Close